Бразил улсад 64 жилийн дараа болж буй ДАШТ үзэгчдийнхээ тоогоор түүхэнд хоёрдугаарт орох үзүүлэлт болж байна. Одоогоор 60 тоглолт болсон бөгөөд нэг тоглолтыг дунджаар 52762 үзэгч үзсэн гэсэн тооцоо гарчээ. Ингэснээр "Герман-2006" ДАШТ-ийн нэг тоглолтыг дунджаар 52491 үзэгч үзсэн тоог давсан байна. Түүхэнд хамгийн олон үзэгчтэй нь 1994 онд АНУ-д болсон ДАШТ юм. Амерак улсад анх удаа болсон тэмцээний нэг тоглолтыг дунджаар 68997 хөгжөөн дэмжигч үзэж байжээ.