Олон улсын хөгжмийн “Beyond the music” тавдугаар наадам Испани улсын Бинаскэ хотод маргааш эхлэх гэж байна. Энэхүү наадмыг Монгол Улсын нэрт Хөгжмийн зохиолч Ч.Сангидоржийн охин, гоцлол  төгөлдөр хуурч С.Саянцэцэг зохион байгуулдаг билээ.

Энэ удаагийн наадамд Ази, Европ, Америк, Латин Америк зэрэг арав гаруй орны 40 орчим хөгжимчин залуус цугларан авьяас чадвараараа өрсөлдөх юм байна.

Харин манай улсаас гурван төгөлдөр хуурч энэхүү наадамд өрсөлдөхөөр хүлгийн жолоо залжээ. Дашрамд дурьдахад, Швед улсад ажилладаг виолонсельч Ц.Энхбат энэ удаа багшаар уригдсан ажээ.