Улаанчулуутын хогийн цэг дээр сургууль байгуулж олон хүний талархлыг хүлээсэн гавьяат жүжигчин И.Одончимэг номын сан байгуулахаар төлөвлөжээ. Тэрээр багаасаа уран зохиолын номд шимтэн дурлаж, Оросын алдарт зохиолчдыг биширч өссөн аж. Тиймээс бяцхан хүүхдүүдэд зориулж, зөвхөн хүүхдийн зохиол, үлгэрийн номоос бүрдсэн номын сангийнхаа төслийг бичиж эхэлжээ. Тэрээр "Хүүхдүүд багаасаа номд дурлаж, номтой нөхөрлөж өсвөл өрөвч зөөлөн хүн болохын үндэс нь зөв тавигдана" гэж сэтгэгдлээ илэрхийлсэн байна.