Кино уран бүтээлчид жил бүрийн тавдугаар сарын 1-ний өдрийг “Монголын киночдын өдөр” болгохоор шийдвэрлэсэн байна. Тэд энэ өдрийг зүгээр ч нэг сонгоогүй бөгөөд 1935 оны тавдугаар сарын 1-нд Монголын анхны кинотеатр “Ард” нээгдэж байсан түүхтэй аж. Мөн үүнээс хоёр жилийн дараа буюу 1937 оны тавдугаар сарын 1-нд “Монгол кино” үйлдвэр Майн баярын жагсаалын дүрсийг авч анхны баримтат кино хийж байсан ажээ.