Монгол эрийн цээл хоолойг дэлхийн сонорт хүргэж яваа дуучин Э.Амартүвшинийг “BBC” агентлагаас “Дэлхийд нэрээ дуурсгасан дуучин” хэмээн зарлалаа.

Монгол Улсын Гавьяат жүжигчин хэмээх цолыг 24 настайдаа хүртсэн Э.Амартүвшинг “BBC” агентлаг онцолсон нь гэнэтийн, содон үйл явдал биш байлаа. Э.Амартүвшин нэр хүндтэй олон тайзнаа сонгодог дуурьт дуулж өөрийгөө таниулсан уран бүтээлч юм.

Тэрбээр Чайковскийн нэрэмжит олон улсын уралдаанд 2011 онд хоёрдугаар байрт шалгарч, үзэгчдийн нэрэмжит шагнал хүртсэн билээ. Мөн дэлхийн дуурийн дуулаач 2012 оны тэмцээнд тэргүүн байр, 2013 онд“Франциско Викас” тэмцээний хоёрдугаар байрт шалгарч, хоёр ч тусгай шагналын эзэн болж байжээ.