Францын нэрт кино найруулагч, зохиолч Жан Жак Анногийн найруулсан "Чонон Сүлд" кинонд жүжигчин Р.Анхням урилгаар тоглож гол дүрийг бүтээсэн нь олон хүний талархлыг хүлээж монголынхоо нэрийг дэлхий дахинаа дуурсгасан сайхан үйл явдал болсон билээ.

Тэгвэл тус киноны найруулагч Жан Жак Анно Монгол улсын ерөнхийлөгчийн урилгаар манай улсад ирээд байгаа юм. Түүнийг Боловсрол соёл шинжлэх ухааны яамны сайд Л.Гантөмөр хүлээн авч уулзсан бөгөөд уулзалтанд "Чонон сүлд" киноны уран бүтээлчид ч оролцсон юм. Мөн тус уулзалтын үеэр "Чонон Сүлд" киноны гол дүрийн жүжигчин Р.Анхням "Алтан гадас" одонгоор энгэрээ мялаажээ.