“MIM” фильм, “F” студийн бүтээл найруулагч Б.Тамирын 3 дахь бүрэн хэмжээний уран бүтээл болох "247 Градус" Романтик инээдмийн уран сайхны кино 3 дугаар сарын 4-ны өдрөөс эхлэн үзэгчдийн хүртээл болоход бэлэн болжээ. Тус кинонд хайр дурлал, гэнэтийн учралыг маш сонирхолтойгоор харуулж чадсан гэж тус киноны найруулагч Б.Тамир хэлж байгаа юм. Киноны гол дүрүүдэд жүжигчин Э.Ууганбаяр, Маск продакшны жүжигчин А.Гэрэлцэцэг, Э.Алдар, УДЭТ-ын жүжигчин Б.Одончимэг, Б.Барслхагва нар тоглосон байна.