“Мооль” студийн хамт олон Монгол Улсын гавьяат жүжигчин, дуучин Т.Ариунаагийн амьдралын тухай өгүүлсэн мюзикл хийхээр бэлтгэл ажилдаа оржээ. Мюзиклд оролцон тоглох дуучин, жүжигчдийн нэрийг одоогоор нууцалж байгаа бөгөөд ирэх сарын 8-нд үзэгчдийн хүртээл болгохоор төлөвлөжээ. Дашрамд дуулгахад, Олон улсын эмэгтэйчүүдийн эрхийг хамгаалах өдрөөр гавьяат дуучин маань Дархан-Уул аймагт тоглолтоо хийхээр болжээ. Орон нутгийг сонгон тоглох гэж байгаа шалтгаан нь тэрбээр одоогоос20 жилийн өмнө Дарханы тайзан дээр дуулж, үзэгчдийн хүндэтгэлийг хүлээж байсантай холбоотой аж.