Болор цом-32” яруу найргийн наадам Төв аймгийн төвд амжилттай болж өндөрлөсөн. Энэ жилийн “Болор цом” наадмын хоёрдугаар шатанд 34 яруу найрагч шалгарч үлдсэнээс яруу найрагч Б.Мягмаржав түрүүлж, “Болор цом”-ын эзэн яруу найрагч болсон юм.  Тэрбээр "Болор цом-30" яруу найргийн наадамд дэд байрт шалгарч байсан билээ.Харин наадмын аман хүзүүнд “Шинэ мянган” утга зохиолын нэгдлийн гүйцэтгэх захирал, МЗЭ-ийн шагналт яруу найрагч Ц.Эрдэнэбаатар орсон бол гуравдугаар байранд Г.Сэр-Одын нэрэмжит шагналт яруу найрагч Оюунцэцэгийн Цэнд-Аюуш, дөрөвдүгээр байрт яруу найрагч М.Баттөмөр, тавдугаар байрт өнгөрсөн жилийн “Болор цом”-ын эзэн, яруу найрагч Л.Моломжамц нар шалгарчээ.