БНХАУ-ын зохиолч Зян Рун-ы зохиолоос сэдэвлэн бүтээсэн “Чонон сүлд” кино энэ сарын 4-нд нээлтээ хийгээд байгаа билээ. Тус киноны гол дүрд жүжигчин Ч.Анхням тоглосон ба тэрээр киноныхоо монголд гаргах эрхийг худалдаж авсан тухайгаа мэдээлсэн юм. Уг кино Өвөрмонгол орчуулгатайгаар энэ сарын 27-ноос эхлэн кино театруудаар гарч, монгол үзэгчдийн хүртээл болох юм байна. Дашрамд сонирхуулахад “Чонон сүлд” кино Оскарын наадамд нэр дэвшихээр болсон тухай тус киноны найруулагч Аннойд Хятадын хэвлэлд өгсөн ярилцлагадаа мэдэгджээ.