Алтан Жолоо Констракшн”, “Даян Их”, “Очир Интер Трэйд”, “Арвайн Үндэс” зэрэг охин компаниудыг эгнээндээ нэгтгэсэн “Алтан Жолоо Групп” нь 2014 оныхоо амжилт бүтээлийг дүгнэн шинэ жилийн цэнгүүнээ “Altan Joloo Awards” нэртэйгээр ёслол төгөлдөр тэмдэглэн өнгөрүүллээ.

Шинэ оны босгон дээр уламжлал ёсоор өнгөрч буй онд идэвх санаачлага үр бүтээлтэй ажиллаж, компаний болоод нийгэм, эдийн засгийн хөгжилд үнэтэй хувь нэмэр оруулсан шилдэг ажилтнуудаа тодруулсан юм. Түүнчлэн Монголын Залуучуудын Холбооны нэрэмжит шагналууд, Үйлдвэр Хөдөө Аж Ахуйн Яамны жуух бичиг, цол тэмдэгүүдийг ажилтан албан хаагчид гардан авлаа.

“Алтан Жолоо Групп”-ийн хэмжээнд өөрийн салбар бүртээ манлайлан, шинийг санаачлан хэрэгжүүлж ажилласан шилдэг 10 ажилтандаа “Алтан Цом” олгодог уламжлалтай билээ. Энэхүү цом нь шинэлэг хэв маяг бүхий хэлбэр хийцтэй төдийгүй, гадаад орноор аялах эрхийг бичиг дагалддагаараа онцлогтой.

Хийж буй ажил бүхэндээ өөрийн сэтгэл зүрхээ шингээн ажилладаг “Алтан Жолоо Групп”-ийн хамт олонд талархал илэрхийлэхийн ялдамд айлчлан ирж буй шинэ ондоо аз жаргал, амжилт бүтээлээр дүүрэн байхыг хүсэн ерөөе.