Монгол циркийн хөгжлийн төв, Цолмон өглөө энтертайнмент, Аса цирк хамтран хүүхэд багачууддаа зориулан “Шидэт толины нууц” жүжигчилсэн сүлд модны наадмыг зохион байгууллаа.

“Шидэт толины нууц” адал явдалт, хөгжөөнт тоглолт энэ сарын 20,21-нд АСА циркт болсон юм. Циркийн 30 гаруй жүжигчин үлгэрийн ертөнцийг амилуулсан энэ тоглолтод дуучин Мино, жүжигчин Баярмаа, “Микс” хамтлаг урилгаар оролцож ая дуугаа өргөсөн юм. Монгол циркийн хөгжлийн төвөөс зохион байгуулж буй энэ тоглолтод уригдсан бүх хүүхэд улаан хивсэн дээгүүр алхан орж, бэлэг авахаас гадна, тоглолтын үеэр үе тэнгийнхнийхээ хамт флэшмоб хийх боломжтой байснаараа онцлог байлаа. Тоглолт хүүхдүүдийн инээд хөөр, баяр цэнгэлээр дүүрэн болж өнгөрсөн юм.