Шатарчин А.Энхтуулын өнгөрсөн долдугаар сард  дэлхийн шатрын их мастер цол болзол хангаж байсан. Тэгвэл өчигдөр их мастерын мялаалга Чингис хаан зочид буудлын Өргөө ресторанд болжээ. А.Энхтуул нь Монгол Улсаас төрсөн долоо дахь их мастер юм. Их мастер цолыг мялаах хүндэтгэлийн ёслолд Монголын шатрын холбооны ерөнхийлөгч Г.Занданшатар хүрэлцэн ирж, Дэлхийн шатрын их мастер цол тэмдэг, батламжийг албан ёсоор гардуулсан байна.