Монголын загварын чиг хандлагыг тодорхойлдог “Гоёл” наадам өнөөдөр эхлэж байна. 1988 онд анх Монголын томоохон үйлдвэрүүдийн Зохион бүтээх товчооны дизайнеруудын бүтээлүүдээр хийсэн бичил шоунаас Монголын хувцас загварын чиг хандлагыг тодорхойлсон наадам болтлоо өргөжин тэлжээ. “Гоёл” наадмыг уламжлал ёсоор Монголын дизайнеруудын холбооноос зохион байгуулж байгаа бөгөөд шилдэг загвар өмсөгч, шилдэг гоо засалч, шилдэг үсчин, топ моделийг тодруулах юм. Наадмын шилдэгүүд ирэх сарын 3-нд Соёлын төв өргөөнд тодорно.