БАЯРТ МЭДЭЭ: Монгол залуу Азийн загварын шилдэг гэрэл зурагчин боллоо
“Asian Fashion Association”-иас жил бүрийн намар зохион байгуулдаг Азийн загварын ертөнцийн шилдгүүдийг тодруулах уламжлалт “Fashion Asia Awards” ёслолыг энэ жил БНХАУ-ын үсрэнгүй хөгжиж буй Чунчинь хотод зохион байгууллаа. Ази тивийн 14 орны хувцас загварын мэргэжилтнүүд, Азид төдийгүй тив дамнаж нэр нь түгсэн оддын чуулган 11-р сарын 02-06-ны өдөр болж шилдгүүдээ тодруулжээ.
“Fashion Asia Awards” нь загвар зохион бүтээгч, загвар өмсөгч, гэрэл зурагчин, стилист зэрэг нийт 13 төрөлд ШИЛДЭГ 5-ыг тодруулж, тэдгээр нэр дэвшигчид дундаасаа оны шилдгийг шалгаруулан өргөмжилдөг юм. Энэ жилийн тухайд Монгол улсаас Оны шилдэг загвар зохион бүтээгч /Ч.Мишээл/ /Pert a porte/, Оны шилдэг стилист /Б.Золжаргал/, Оны шилдэг загварын гэрэл зурагчин /Ж.Батсайхан/, Оны шилдэг эрэгтэй загвар өмсөгч /О.Амгаланбаатар/, Оны шилдэг загварлаг хөтлөгч /Х.Болорбат/ зэрэг нийт 5 төрөлд нэр дэвшиж, IC Creative Division студийн гэрэл зурагчин Ж.Батсайхан төрөлдөө тэргүүлэн, Азийн загварын ШИЛДЭГ гэрэл зурагчин гэх нэр төртэй шагналын эзэн болжээ.