УДЭТ-ын 84 дэх үзвэрийн нээлт эхэллээ
УДЭТеатрын 84 дэх үзвэрийн жилийн нээлтэнд зориулсан хэвлэлийн бага хурал өнөөдөр Монгол Нюьсийн хэвлэлийн байранд боллоо. Тус хэвлэлийн хуралд УГЗ Д.Цэрэнсамбуу, АЖ Н.Сувд, УГЗ Ч.Найдандорж, МУГЖ Г.Урнаа СТА Наранбаатар, СТА Г.Эрдэнэбилэг нар оролцож 84 дэх үзвэрийн талаар болон өөрсдийн тоглож байгаа жүжгийн талаар мэдээллээ. УДЭТ-ын урын сангийн бодлогын нэгэн чухал хэсэг нь түүхэн сэдэвтэй бүтээл байдаг учраас 84 дэх үзвэрийн нээлтийг урын сан дахь түүхэн жүжгүүдээсээ дээжлэн үзэгч олондоо толилуулахаар болжээ. Үүний дотор Монгол улсад орчин үеийн театрын урлаг үүсч хөгжсөний 80 жилийн ойг тохиолдуулан зарласан түүхэн жүжгийн зохиолын тэргүүн байрын бүтээл "Гэгээн Муза" наадмын Гранпригийн шагналыг авсан Б.Цогнэмэхийн "Тэнгэрийн хүү" туульсын жүжиг, Б.Лхагвасүрэнгийн "Тамгагүй төр", С.Жаргалсайхан "Тэмүүжин", Д.Равжаагийн зохиолоос Б.Шартолгойн шинэчилсэн "Саран Хөхөө", Б.Лхагвасүрэнгийн "Атга нөж", Б.Шүүдэрцэцэгийн "Ану хатан", Д.Намдаг "Оролмаа", Б.Цогнэмэх "Тэнгэрийн хүү" зэрэг жүжгүүдийг театрын тайзнаа тавихаар болжээ.