Хөхөгчин туулай өдөр хамаг бурхад хутагт нар хар мууд өглөг өгнө энэ өдөр ном буян үйлдвээс гай барцадгүй сайн болой. Энэ өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Тухайн өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, бөө, удганы үйлд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Хүн, малын сүнс бүх биеэнд байдаг. 

	Аргын тооллын:	2014.6.13, Баасан гараг
	Билгийн тооллын:	Долоон улаан мэнгэтэй, хий суудалтай
	Наран ургах шингэх:	05.06 - 20.54
	Үс засуулбал	Өлзийтэй сайн
	Барилдлага:	Идэр
	Шүтэн барилдлага:	Авахуй