Өөрийн гараар гэр бүлийнхнийгээ дайлахыг хүсэж буй бүсгүйчүүддээ зориулаад бид хялбар хийж болох нэгэн жорыг бэлтгэлээ. Бялууны орцонд орох бүтээгдэхүүнүүд Улаанбаатарын аль ч супермаркетаас олох боломжтой. Ингээд хамтдаа бяслагтай бялуугаа хийцгээе.

1. Орц:
-400грамм "Philadelphia" cream cheese эсвэл "Hochland" сливочный бяслаг, 2 стакан үрүүлсэн жигнэмэг (гадаад байвал зүгээр), 125грамм масло, 1 жижиг уут эсвэл 1 цайны халбага ванилин, 3 ширхэг өндөг, 230грамм элсэн чихэр (1 стакан),400грамм "Сметана Сметановна" цөцгий. /Орцны материалуудыг өөрөөр орлуулж сольж болохгүй/

2. 2 стакан үйрүүлсэн жигнэмэг болон 125 грамм масло хоёроо холино. Дараа нь торт хийх савны дотрыг жигнэмэгтэй холимогоороо бүрхэнэ.

3. - Бяслагаа хутгаж эхлэнэ. Зөөлөн хутгаарай, жижиг бөмбөлөг үүсгэж болохгүй гэдгийг анхаар. Элсэн чихэрээ бага багаар нь хийж хайлтал нь хутгана. Өндөгөө нэг нэгээр нь хийж хутгаад, ванилинаа нэмнэ. "Сметана Сметановна" цөцгийгөө хамгийн сүүлд нэмж хутгаад хэсэг хугацаанд амраагаад, өмнө нь бэлдэж тавьсан савруугаа бэлдсэн шингэнээ хийнэ.

4. Шарах шүүгээндээ жижиг саванд ус хийж тавина (чийгшүүлэх зорилгоор) Шарах шүүгээг 165 градуст халсаны дараа бэлдмэлээ хийж 55 минут жигнэнэ. 55 минутын дараа шарах шүүгээг унтрааж дахин 1 цаг байлгана. 1 цагийн дараа чийзтэй бялуугаа хөргөгчинд дахин 5 цаг байлгана. Чийз кейкээ савнаас нь гаргахдаа болгоомжтой байхыг зөвөлье. Саваа бага зэрэг плитка дээр халааж байгаад гаргавал зүгээр.

5. Чийз кейкээ савнаас нь гаргачихаад дээр нь бага зэрэг какао цацаж болно.