Төрөл бүрийн пиццаг, янз бүрийн аргаар хийж болдог учир энэ удаа бид хүүхдүүддээ зориулсан Мини- Пиццаг хийж бэлтгэлээ.

Орц

• Гурил - 250 гр
• Дрож - 5 гр
• Давс - 5 гр
• Олив тос - 10 гр
• Ус - 120 гр
• Улаан лоолийн нухаш - 50 гр
• Улаан лооль - 30 гр
• Орегано - 5 гр
• Песто - 5 гр
• Tуна загас - 100 гр
• Cыр - 100 гр

Хийх арга

1. Гуриландаа дрож, давс, олив тос, усаа хийж зуураад 30 минут орчим битүү байлгаж хөөлгөнө.
2. Гурилан зуурмагаа хөөмөгц 0.8 мм орчмын зузаантай элдээд хэвээр дарж шарах шүүгээний листээ тослон хооронд нь зайтай өрж тавин битүү таглаад хөөх хүртэл 20 минут орчим амраана.

Cүмс бэлтгэх

1. Улаан лоолийг буцалсан халуун усанд хэсэг минут байлгасны дараа авч гадна хальсыг нь хуулаад бутлагч машинаар бутлана.
2. Буталсан улаан лооль дээрээ улаан лоолийн нухаш хийж жигд холиод орегано, песто амтлагчаар амтлан бэлэн болно.
3. Хөөж бэлэн болсон гурилын зуурмаг дээрээ найруулсан пицца сүмсээ дээр нь жигд нимгэн түрхэн, мөн дээр нь туна загасаа жигд тавиад үрсэн сырээ сүүлд нь тавьж бэлэн болно.
4. Шарах шүүгээг 180 хэмд халааж шарахад бэлдсэн пиццагаа хийгээд 15 минут орчим шарж бэлэн болно.