- Ногоон далбагар навч нь ямар ч салатыг чимдэг. Гол нь сайтар угааж, зөв хадгалах шаардлагатай. Навч бүрийг сайтар угаахын сацуу хэрэв бохирдол ихтэй бол давс хийсэн устай саванд хэдэн минут байлгана. Үлдсэн ногоон навчийг цаасанд боож хөргөгчинд хадгална.

- Улаан чинжүү нь зөвхөн салатанд чимэг болох төдийгүй С, РР болон В витамин кали төмөр, фосфороор баялаг аж. Чинжүүг салат хийхийн өмнө бэлтгэнэ. Учир нь гэрэлд витамины агууламж нь алдагддаг.

- Улаан лооль, өргөст хэмхийг тус тусад нь хийнэ. Мэдээж эдгээр ногоо нь хоёул ашигтай, гэхдээ өргөст хэмх нь "С" витаминыг устгадаг аскорбинет, ферментийг агуулдаг. Тиймээс хэрэв өргөст хэмхийн аскорбиназ нь улаан лооль дахь аскорбины хүчлийг "идчихнэ".

- Салат хийхдээ өндөг хиамын аль нэгийг нь сонгох хэрэгтэй. Учир нь хиам өндөг хоёр зохилдлогоо муутай байдаг. Тэгээд ч бид тэр бүр хиам, өндөгний чанарыг баталгаатай эсэхийг мэдэх боломжгүй тул хордлого өгөх эрсдэлийг байнга дагуулдаг.

Өндөг эсвэл хиамны аль нэгийг вандуйгаар орлуулахад амт чанар сайжирдаг. Дашрамд хэлэхэд өндөгтэй салатыг нэгээс илүү хоног байлгавал эсэлдэх процесс явагддаг.