Бүсгүй хүний залуу нас гэдэг амьдарлынх нь алтан үе. Гэхдээ энэ нь тун богинохон. 25 наснаас хойш цаг хугацаа таны гоо сайхан төрх, гуалиг бие дээр чинь мөрөө үлдээж эхэлдэг. Гэхдээ бүсгүйчүүд минь санаа зовох хэрэггүй. Та доорх мэдээллийг уншисныхаа дараа тэр цаг хугацааны мөрийг бүдгэрүүлж болох боломжтой болно.

25- 33 нас:



25-аас дээш насны бүсгүйчүүд арьс арчилгааг тогтмол хийж байх хэрэгтэй. Нүүр цэвэрлэгч, чийгшүүлэгчээс гадна өдөр, шөнийн тос байнга хэрэглэж занш. Долоо хоногт 1-2 удаа сраб хэрэглэж, жилд 1-3 удаа гоо сайхны курс эмчилгээ (хүчилтөрөгчийн аппаратанд орох, бумбатай иллэг, өөх задлах иллэг гэх мэт) хийлгэж байгаарай. Мөн нүүрний тос авахдаа ургамлын гаралтайг нь сонгоорой. Энэ төрлийн тос арьсны уян зөөлөн чанарыг хадгалдаг. Химийн гаралтай бүтээгдэхүүн энэ тал дээр харьцангуй бага үр дүнтэй байдаг. Биеийнхээ галбарийг хадгалж үлдэе гэвэл спортоор хичээллэ. 25-аас дээш насанд биологийн жамаар булчин суларч, бодисын солилцооны үйл ажиллагаа удааширч, таргалах нь амархан болдог. Үүнээс гадна амьдарлын хэвшил нь ихээхэн нөлөөлж, өөх задлах тос, бэлдмэлүүдийг угаалгын өрөөндөө авч тавих хэрэгтэй. Мөн А,Е, С амин дэмээр баялаг хүнсний болон гоо сайхны бүтээгдэхүүн хэрэглэж байгаарай.

34-45 нас:



Төгс төгөлдөр 33 нас баяртай. Эмэгтэй хүний хувьд 34 насанд биологийн шинэ мөчлөг эхэлдэг. Хөгшрөлтийн эсрэг бэлдмэл, бүтээгдэхүүн, косметик чинь нэмэгдэх болно. Хүний биеийн 40 хувь, арьсны 75 хувийг бүрдүүлдэг каллоген буюу судалт уураг багассан байдаг. Эрдэмтдийн тооцоолсноор 25 наснаас хойш каллоген жил тутам 1.5%-аар багассаар 40 хүрэхэд 1/3%-ийг алдсан байдаг. Үүний улмаас арьс уян хатан чанараа алдаж, үрчлээтдэг гэнэ. Тиймээс гоо сайхан, эрүүл, толигор арьсаа хадгалж үлдье гэвэл каллогенд мөнгө зарах хэрэгтэй. Мөн биеийн жингийн хэлбэлзлээс болж арьс суларч, унжсан байдаг болохоор арьс чангалах иллэг, аппаратад орох, саунд сууж сүүн болон зөгийн балтай иллэг хийлгэж байгаарай.

45-аас дээш нас:



Энэ насанд гоо сайхнаас илүү эрүүл мэндээ болох үе. Дураараа хоолын дэглэм барьж болохгүй, эмчийн зөвлөгөөг дагаж байх хэрэгтэй. Ерөнхийдөө 7 хоногт 2 удаа скраб хэрэглэж, 1 удаа нүүрний иллэг хийлгэнэ. 48-50 насанд арьсны үрчлээг хөгшрөлтийн эсрэг бэлдмэлээр аргацаах боломжгүй болдог учраас арьс индүүдэх, үрчлээ тэнийлгэх мэтийн аппаратны үйлчилгээ хийлгэж болно. Туршлагатай, мэргэжлийн хүнтэй хамтарч чадвал энэ төрлийн аппарат нь арьсны үрчлээг 30-40 %-иар багасгадаг. Энэ арга тус болохгүй бол гоо сайхны бичил мэс ажилбар хийлгээрэй.