Хурхиралт нь хүний гормоны тэнцвэрт байдал, бодисын солилцоог алдагдуулснаар таргалалт, цусны даралт ихсэх, зүрхний үйл ажиллагааг муутгах, зүрхний шигдээс, тархины цус харвалтад ч хүргэх аюултай. Мөн бэлгийн сулралд ч хүргэж чадна. Хамгийн аймшигтай нь нойрон дунд амьсгал боогдож хүн үхэх хүртэл аюул учруулна. Онцгой чанга хурхиралт бол гэр бүл салах шалтгаан ч болдог. Ийнхүү гэмгүй царайтай хурхиралтын ард олон аюул нуугдаж байдаг юм.

 

1.Хамрын таславч мурийсан

2.Хамранд “мах” – ургацаг ургасан

3.Харшилын гаралтай хамар битүүрэлт

5.Хүүхэн хэл нь урт байх

6.Зуултны гажиг

7.Залгиур болон хамрын хөндий төрөлхийн нарийхан

8.Таргалалт

9.Бамбай булчирхайн үйл ажиллагааны доройтол

10.Ядаргаа

 

Бүсгүйчүүдээ хурхиралт бол өвчин. Тиймээс ханьдаа уурлаж нудрахын оронд хамар хоолойн эмчид үзүүлж, тохирох эмчилгээг нь хийлгэх ёстой шүү. Хурхиралтын эсрэг олон төрлийн эмчилгээ, заавар зөвлөмж байдаг.

 

 

1. Хамгийн үр дүнтэй эмчилгээ бол лазерын эмчилгээ. Ердөө 10 – 15 минутын дотор лазерын туяагаар жижигхэн мэс засал хийхэд хурхирах асуудал дахин гарахаа болино.

 

2. “Экстра – ЛОР” төхөөрөмжийг хэрэглэн хурхирахгүй байх боломжтой. Харахад хүүхдийн “соосог”- тай төстэй. Үүнийг амандаа хийж унтахад хэл болон залгиурын булчин цочроостой байх тул зөөлөн тагнайны тонус нэмэгдэн чичэрхийлэхээ больдог.

 

3. Америкийн эрдэмтэд хурхиралтын эсрэг тариа гаргаж авчээ. Зөөлөн тагнайд тус тариа хийхэд 19 сарын хугацаанд хурхирах боломжгүй болдог. Доктор Скотт Бридли – гийн үгээр, 4 хүний 3-т нь энэ тариа үйлчилж байгаа гэнэ. Ийм тарианы үнэ хэдий хямд ч, сул тал нь 19 сар тутам, тарианы үйлчлэх хугацаа дуусахаар, бүх насаараа хийлгэх хэрэгтэй болно.

 

 

4. Хурхиралтын эсрэг шинэ хэрэгсэл болох эрүүний боолт. Үүнийг унтах үедээ зүүж  хурхирах эмгэгээс амархан салж болно. Эрүүний боолт нь эрүүний доод хэсгийг өргөж өгснөөр амьсгалын дутагдалд орохоос сэргийлдэг байна.

 

 

 1.Унтахын өмнө хамрын хөндийгөө сайтар цэвэрлэх.

 2.Намхан, хатуу дэрэн дээр унтах.

 3.Өдөр бүр дараахи дасгалыг хийх: амаа хаагаад хамраараа  хүчтэй амьсгалах. Хэлийнхээ хойд хэсгийг чангалаад хоолой  руугаа хүчлэн татах. Энэ дасгалыг өдөрт 3 удаа 10 – 15  давталттайгаар хийж байвал зөөлөн тагнай чангарч хурхирах нь  эрс багасдаг.

 4.Залгиур, зөөлөн тагнай, хүзүүний булчингуудаа чангалаад “И”  гэж 20 – 25 удаа хэлэх.

 5.Хэрэв та тарган бол хэдэн кг турах.

Энэ зөвөлгөөнүүдийг биелүүлбэл 14 хоногийн дараа гэхэд хурхиралтын дуу мэдэгдэхүйц багасна гэж мэргэжилтнүүд зөвлөж байна.

 

Хүүхэд яагаад их хурхирдаг вэ? Мэргэжилтнүүдийн хэлж буйгаар хүүхдүүдийн их хурхирч байгаагийн 90 хувийн шалтгаан нь буйлс болон буйлсан булчирхай томорсноос болдог байна..

Хүүхдүүд унтаагаара хурхирах үед амьсгал нь түр зогсосхийх байдал илэрдэг төдийгүй хүүхдүүдийн эрүүл мэнд, өсөлт бойжилтод нөлөөлдөг байна.

 Үүний хор гэм нь гэвэл:

Нэг. Амаа ангайж амьсгах: Ам хэл нь хатах, амны хөндий нь муухай үнэртэй болох, шүд нь хорхойтох байдал илэрдэг.

Хоёр. Нойр харш саадад учрах: Янз бүрээр зүүдэлж, хүйтэн хөлс гарах, шөнөдөө цочих, нойр хулжих, өдөртөө ядаргаатай ажиллах зэрэг байдал илэрнэ.

Гурав. Оюуны чадавхи болон цээжлэх чадварт нөлөөлөх: Суралцах оюун санаа нь сарниж, зан ааш нь догширно.

Дөрөв. Өсөлт бойжилт нь харшлах: биеийн өндөр болоход нөлөөлж, шувуун цээжтэй болох, шээрэн болох аюултай.

Хурхирах нь ийм муу нөлөө үзүүлдэг тухай зарим эцэг эх буйлсыг нь авч хаяад “Нэг л огтлоод нэгмөсөн амраах” арга хэрэглэх нь зөв гэж үзэж байхад зарим эцэг эх үүнийг эрс эсэргүүцэж байна.

       Анагаахын мэргэжилтнүүдийн үзэж буйгаар, 3-6 насны хүүхдүүдийн буйлс болон булчирхайвтар эдүүдийн дархлааны чадавхи нь тун сайн байгаа үе юм. Энэ үеэр хагалгаа хийхгүй бол сайн. Хэрэв хүүхдийн өвчний байдал даамжраад ямагт халуураад байх юм бол арга буюу буйлсын хагалгаа хийж өвчний байдлыг намдааж болно.

Иймийн тул ээж та хүүхдээ эртнээс эмчлүүлж, дээр өгүүлсэн энгийн болон мэргэжлийн түвшний олон төрлийн аргыг ашиглаарай.