Хүүхдүүд ээ, та нар атаархалаас анхнаасаа хол явж сурвал ирээдүйн амьдрал чинь улам гэгээтэй болно. Атаархал хүнийг өрөвдмөөр байдалд оруулж, араас чинь татдаг. Өөрөөс чинь ямар нэг зүйлээр илүү найз нөхөд байвал түүнээс чадахыгаа суралцаж, найзынхаа амжилтаар бахархаж чадах сэтгэлтэй байх хэрэгтэй. Хэн нэгнийг өөртэйгөө зүйрлэж, харьцуулахын оронд өөрийгөө өөртэйгээ харьцуул. Өөрөөр хэлбэл өөртөө зорилго тавьж түүндээ хүрэхийн төлөө өөртэйгөө тэмцдэг бол. Жишээ нь өнөөдөр би англи хэлний анхан шатны түвшинд байгаа бол хойтон өдийд ахисан дунд шатны ангид сурч байх болно гэсэн зорилготойгоор хичээх хэрэгтэй.

Эцэст нь хэн нэгэнд байхгүй чанар болон авъяас чамд байгаа гэдэгт итгээрэй. Чи өөрөө түүнийгээ олж илрүүлэх үлдлээ.