ӨнөөдөрЗургийг хэрхэн гоё авч сурах вэ?
Өдгөө хэн бүхэн л өөрийн гар утсаар мэргэжлийн түвшинд, маш сайхан гэрэл зургуудыг авах болжээ. Учир нь сүүлийн үеийн гар утасны камер нягтрал сайтай, дээр нь селфиний хэрэгсэл гээд тухайн хүн өөрөө л зургийн мэдрэмжтэй байхад, төгс зураг авах илүү хялбар болжээ. Харин үүнээсээ илүү, мэдрэмжтэй зурагчин болохыг хүсвэл дараах хэдэн дүрмүүдийг баримтлахад хангалттай юм.
1 Гол объёктоо зөв тодорхойлох
Юун түрүүнд ямархуу зураг авах, хэнийг голчлон авах тал дээр анхаарах хэрэгтэй. Тиймээс та зураг авах талбайгаа урт өргөнийх нь хувьд ерөнхий з тэнцүү хэсэгт хуваан, гол объёктоо голд нь байхаар тааруулж, дараарай.
2 Зургийнхаа төвийг олох
Хэрвээ хэн нэгний хөрөг зургийг авахаар бол төвийг нь олох хамгаас чухал учраас харьцаандаа анхаарвал зохино.
3 Харьцаа хамгаас чухал
Гэрэл зургийн гол амин сүнс нь тэдгээрийн харьцаа учраас, үүнд ч мөн анхаарах хэрэгтэй байна.
4 Зураг авахад тухайн газрын байрлал, харагдах өнцөг чухал нөлөөтэй.
Та ямар зураг авахыг хүсэж байна түүнийгээ нүдэндээ төсөөлөөд үзээрэй. Харин түүнийхээ дараа зургийн объект, орчны харьцаа зэргийг тооцож, хөдөлгөөнгүй нямбай зургийг авах хэрэгтэй.
5 Гэрлийг сайтар хар
Зургийн хамгийн чухал хэсэг бол гэрэлтүүлэг. Энэ нь таны зургийг сайхан харагдуулахад чухал нөлөөтэй. Сүүдрийг ч мөн битгий мартаарай. Хүний царай ч мөн тод гэрэлтэйд өө сэв ихтэй харагдаж, харин бага зэрэг бараан үед өө сэвгүй гардаг шүү дээ.
6 Утга агуулга дүүрэн
Зураг авна гэдэг бол маш том урлаг юм. Энгийн, нэгэн хэвийн уйтгартай зургаас илүүтэй утга агуулгатай, хүнд хайр, ухаарал өгч байвал тэр жинхэнэ гэрэл зураг болж чадна.
7 Шугам маш чухал
Бүх зүйл учиртай. Түүний адил сайн гэрэл зураг авахын тулд тухайн орчноо сайтар судалж, зургийн шугамыг ажиглаарай.
8 Хамгийн чухал гэж бодсон зүйлээ л зурагт оруул
Та өөрийн зургаар юу өгүүлэхийг хүсэж байна, түүнийгээ л дар. Тэгэхгүй бол таны зураг гараараа эрээчсэн, эрээвэр хураавар муухан зураг шиг л харагдана.
9 Бүр илүү ойрт
Зарим үед зургийг илүү ойроос авах нь, тухайн гэрэл зургийг амилуулах гол хүчин болдог. Тиймээс шаардлагатай тохиолдолд ойроос зураг авахаас хэзээд битгий эргэлзээрэй.
10 Хамгийн жаргалтай, эгзэгтэй үеийг ав
Зургийг амьд болгодог гол зүйл бол бодит үйл явдлын цаг үеийг тааруулж авах явдал юм. Иймэрхүү байдлаар сайн авсан зураг нь тухайн орчинд очсон мэт сэтгэгдлийг төрүүлнэ.
11 Зургийн ерөнхий дэвсгэр өнгийг тодорхойл
Зураг авахад мэдээж гэрэл сүүдэр, өнгө контрасс чухал нөлөөтэй. Тиймээс та авах зургийнхаа суурь өнгийг ямар байлгах тал дээр анхаарч, орчны өнгөний зохицлыг ч мөн тооцоолох хэрэгтэй.
