Зүрхний өвчнөөс хамгаалах зуу, зуун арга бий. Гэхдээ түүнээс хамгийн хялбар хоёр аргыг нь одоо хэлж өгье. Нэгдүгээрт, орой бүр унтахаар хэвтэхдээ энэ бяцхан дасгалыг хийгээрэй. Дээш харж хэвтэж байгаад толгой, мөрөө дээш өндийлгөж хоёр минут орчим барь. Ингэхдээ нуруугаараа өндийхгүй байх хэрэгтэй. Энэ дасгал таны цээжийг онгойлгож, уушиг, зүрхэнд очих цусан хангамжийг сайжруулна. Мөн өдрийн турш ширээний ард бөхийж суусан нурууг амраана. Хоёрдугаарт хоол, цайныхаа давсыг багасга. Одоохондоо та залуу, эрүүл, эрч хүчтэй байж болох ч өнөөдөр идсэн хоол чинь 45 гараад ирэхдээ цусны даралт өссөнөөр илрэх болно гэдгээ санаарай.