Сүүлийн үед охид бүсгүйчүүд Youtube сайтаар дуу хөгжим сонсохоос гадна нүүр будалтын хичээлийг үзэж сонирхож тухайн чиглэлээр олон бүсгүйчүүд нүүр будалтын тодорхой мэдлэгтэй болж байгаа билээ. Тэгвэл youtube-ийн алдартай makeup артист Nikkie нэгэн сонирхолтой зөвлөгөө гаргажээ.

Бүсгүйчүүд бид сүүлийн үед нүүрний крем, пудр түрхэхээсээ өмнө primer, base зэрэг нүүрний будагны тогтоцыг удаашруулах, өө сэв нүхжилтыг дарах зорилгоор өдөр тутамдаа ашиглах болсон. Харин яг ямар брэндийн, ямар бүтээгдэхүүн сонгохоо мэдэхгүй эргэлзээнд ордог. Харин бидний сайн мэдэх Nivea брэндийн эрэгтэйчүүдийн арьс арчилгаанд зориулсан  Nivea men сахлын бальзамыг нүүр будалтын суурь болгон ашиглавал таны будаг өдрийн турш гайхалтай сайн тогтоцтой, нүүрийг жигд өөгүй харагдуулдаг талаар makeup артист Nikkie зөвлөсөн байна.

Сахлын бальзам нүүр будалтын суурь primer болно гэдэгт итгэж өгөхгүй байвал та дараах бичлэгийг үзээрэй.

Nikkietutorials 03:24 минутаас эхлэн өөрийн шинэ санаанд оромгүй зөвлөгөөгөө танилцуулна.

Доорх бичлэгүүд Nivea men сахлын бальзамыг нүүр будалтын суурь болгон туршиж үзсэн makeup артистуудын бичлэгүүдийг мөн сонирхож үзээрэй.

Сахлын бальзам гэж юу вэ?

Эрчүүдийн 80 хувь нь сахлаа байнга хусдаг бол тэдгээрийг цөөн тооны хүмүүс сахлын дараах арчилгааг хийдэг. Сахал хусах үед арьсанд нүдэнд үл үзэгдэх бичил зүсэлтүүд үүсдэг ба арьс улайж үрэвсэх, арьс ширүүн болдог. Тиймээс сахал хуссаны дараа заавал сахлын бальзам болон усыг гарын алган дээрээ бага зэргийг авч сахал хуссан хэсэгтээ зөөлөн алгадах маягаар өдөр тутамдаа хэрэглэж заншихыг зөвлөж байна.

Найз залуу эсвэл нөхөртөө сахлын бальзам, харин өөртөө нүүр будалтын суурь primer болгон ашиглаарай