/4-6 хүний порц/

• 6 тахианы гуя мах (ястай)
• 1х/х цагаан гаа+сармистай амтлагч
• 3х/х Worcestershire соус
• 1ц/х давс
• 1х/х перец
• Тал лимоны жүүс
• 1х/х яншуй

1. Эхлээд тахианыхаа гуянаас өөхийг нь салгаж аваад дээр нь 3 зураас болгож зүсэж өгнө. /Энэ нь соус махныхаа гүнд хүртэл шингэхэд хэрэг болно./
   
2. Цагаан гаа сармисын амтлагч, Worcestershire соус, давс, перец, лимоны жүүс зэргээ холиод хагас зуурмаг үүсгэж хутгана.
   
3. Дараа нь хольсон амтлагчаа тахианы махан дээрээ халбагаар хийж тахианы махаа сайн базан бүх талаар нь амтагчаараа хучиж өгнө. Тэгээд тахиагаа хөргөгчинд 30 минут болгоно.
   
4. Шарах шүүгээгээ 200ºд халаагаад тахианы махаа хийн гадна тал нь алтан шаргал болж, жүүс нь уустал 40 минут болгоно. Хутгаар гүйцэт болсон үгүйг нь шалгаарай.
   
5. Болсон хоийно нь дээр нь бага зэрэг цэвэр яншуй цацаж өгнө. Цэвэр ногоо, будаа аль эсвэл чанасан төмстэй үйлчлээрэй.