ӨнөөдөрБүрсэн тахиа шарах шилдэг арга
2015 оны 5 сарын 07
Орц
- 4ш тахианы цээж мах
- 25ш жигнэмэг
- 4-5 зүсэм талх
- 5х/х масло - хайлсан
- 8 нимгэн зүсэм гахайн мах
- 8 зүсэм сийр
- 3х/х Дижон гич
- 1 аяга гурил
- 2 том өндөг
- Давс, перец
Хийх арга
- Эхлээд талх, жигнэмэгээ үйрүүлж, маслоо хайлуулна. Мөн шарах шүүгээгээ 230ºc-д халааж бэлтгэнэ.
- Талх жигнэмэгний үйрмэгээ холигчонд хийгээд дээрээс нь хайлсан маслоо нэмэн үйрмэгэндээ шингэтэл нь сайн гэгч нь холино.
- Бэлтгэсэн шарах шүүгээндээ 3-5 минут тавганд нь тараан тавьж байгаад шаргал бор болтол нь болгоно.
Болсоных нь дараа тавган дээр тавин хөргөнө.
- 2-р хэсэгт нь гахайн махйн дотроо сийрээ хийн орооно. Хэрэв гайхайн мах чинь жижигхэн бол 2ш-г нийлүүлж байгаад дунд нь сийрээ хийж орооно.
- Тахиагаараа юм хийхийн тулд эхлээд тахианы махандаа халаас гаргах хэрэгтэй. Үүний тулд эхлээд тахианыхаа цээж махны хамгийн зузаан хэсгийг нь олж байгаад хурц хутга ашиглан эхлээд 1 зураас гаргаж зүсээ тэр зураасаа дагуулан хутагаа гүнд нь хүртэл хийж халаас гаргана.
- Дараа нь гарагасан халаасандаа гахайн махан ороомгоо хийнэ. /1-2ш л орох байх, гэхдээ багтах хэмжээгээр нь хийхэд л болно./
Гахайн махаа хийчээд халаасаа хаана.
- Тахиагаа амтлахдаа 2 талаар нь сайн гэгч нь давс, перец, гичээрээ амтлана.
- 3-р хэсэг: Тахианы мах чинь багтахаар 3н өөр тавганд үйрмэг, гурил, хагалсан өндөгөө хийж тусад нь бэлдэнэ.
- Тахиагаа бүрэхдээ эхлээд гуриландаа өнхрүүлээд дараа нь өндгөндөө дүрээд хамгийн сүүлд нь 2 талаар нь үйрмэгэндээ оруулж өгсөнөөр бүрж өгнө.
- Болгохдоо 230ºc-д 8-10 минут өнгөц тосолсон тавган дээр тавьж болгож байгаад, борлоод сайхан болоод ирэхээр нь тахиагаа эргүүлж тавиад температураа буулгаад 200ºc болгоод 25-30 минут болгоно. Болсон махаа гаргаад 5 минут амраагаад тавгалж үйлчилнэ.
Таваглаад хэрэглэхдээ хажууд нь броккли юмуу ногоон шош тавьж хэрэглэвэл сайхан гэдгийг зөвлье.
Мэдээнд өгөх таны үнэлгээ?
21598
0 эможи