Энэ удаад, сайхан арьсны хамгийн том дайсан болох “Хуурайшилт”-ийн талаар танилцуулая. Монгол бол маш хуурай уур амьсгалтай орон учир, бүсгүйчүүд арьсаа хуурайшилтаас хамгаалах нь маш хэцүү байдаг байдаг. Магадгүй, хэрхэн яаж арьсаа хамгаалах талаар мэдэхгүй гэх хүн ч байгаа байх. Тэдгээр бүсгүйчүүдэд арьсыг хэрхэн хуурайшилтаас хамгаалах аргын талаар дараах зөвөлгөөг хүргэж байна.

Бие хуурайшиж загатнах, нүүрэнд үрчлээ нэмэгдэх, гар болон хуруу хатуу ширүүн болох нь бүгд хуурайшилтаас болдог. “Монгол маш хуурай орон” гэдгийг ойлгож, хуурайшилтаас арьсаа хамгаалах арьс арчилгааг залуу байхаасаа хийж занших хэрэгтэй гэж бодож байна.

Нас залуу байхад хүн биен доторх усны хэмжээгээ хадгалах чадвар өндөр байдаг учир, хуурайшилтыг тийм ч мэдрэхгүй байж магадгүй юм. Гэвч нас ахих тусам, зөв зохистой арчилгаа хийгдээгүй арьс гарцаагүй үрчлээтэж, хөгшин харагддаг. Тийм учраас, залуу байх үеэсээ зөв арьс арчилгаа хийх хэрэгтэй.

Яагаад “Хуурайшилт” арьсанд муу нөлөөтэй вэ?

＊ Арьс өнгөө алдана (өнгөлөг байдлаа алдан нүүрний өнгө онцгүй болдог)
＊ Үрчлээ үүснэ
＊ Сэвх толбо үүснэ
＊ Хөгшрөлт хурдацтай явагдаж, хөгшин харагдана

Бүсгүйчүүд маань голчлон эдгээр 4 зүйлийн талаар санаа зовдоггүй гэж үү?

Үүний шалтгаан нь :
“Хуурайшилтаас болж арьсан дах шингэний хэмжээ багасаж, арьсны эд эс хэвийн үйл ажиллагаагаа алддаг учраас”

Хүний арьс үдэш бүр биднийг унтаж байх хооронд шинээр үүсч солигдож байдаг. Нойрсож байх хооронд, арьсны эс хууран унаж, доороос нь шинэ эс гарч ирдэг. Үүнийг арьсны эсийн бодисын солилцоо гэдэг. Гэтэл, арьс хуурайшиж шингэнээ алдаж эхлэснээр, арьсны үйл ажиллагаа муудаж, бодисын солилцоо зөв явагдахгүй болно.Үүний улмаас арьс өнгөлөг байдлаа алдаж (муухай харагдана), үрчлээ сэвх толбо үүсч, улмаар овортой хөгшин харагддаг байна.

Наснаасаа хөгшин харагдана гэдэг муухай шүү тиймээ…