Arslan.mn - Мэдээний хаан

Кофе: Кофе, цай нь кофейн ихтэй учир амны хөндийг хуурайшуулж, тогтмол хэрэглэснээр шүдний өнгийг гандааж, шарлуулдаг байна.
Эрч хүчний ундаа: Энэ нь сахрын агууламж өндөртэй тул одоо мэдэгдэхгүй байгаа ч магадгүй 20, 30 жилийн дараа шүдний эмнэлгээс салахгүй болох вий.
Мөс: Мөсийг зажлах нь шүдийг эмзэгшүүлж, пааланг гэмтээдэг байна. Иймд зөвхөн шингэн зүйлийг хөргөх зориулалтаар л хэрэглээрэй.
Согтууруулах ундаа: Үүнийг хэрэглэснээр амыг маш ихээр хуурайшуулдаг. Удаан хугацаанд хэрэглэвэл шүлсний ялгаралт цаанаасаа багасаж, улмаар шүд сулрал, буйлны үрэвсэлд хүрэх нь бий. Цаашилбал амны хөндийн хорт хавдартай болно.
Хийжүүлсэн ундаа: Удаан хугацааны турш чихэр, хийжүүлсэн ундаа хэрэглэвэл буйлны бактериуд түүнд агуулагддаг элсэн чихрийг ашиглан пааланг гэмтээгч хүчлийг үйлдвэрлэж эхэлдэг.
Цитрусын гаралтай жимс: Хүчиллэг хүнс нь пааланг элээж, шүдийг аливаа өвдөлт болон хүйтэн халуунд хэт мэдрэмтгий болгодог. Нимбэгний хүчилтэй ус, цай илүү амттай байдаг ч энэ нь амны хөндийн эрүүл мэндийн хувьд тийм ч сайн сонголт биш. Мөн жүрж, бэрсүүт жүрж гэх мэт цитрусын гаралтай жимс, шүүс мөн л амны хөндийн аливаа үрэвслийг сэдрээдэг. Тиймээс хүчиллэг жимс идсэний дараа цэвэр усар амаа зайлж хэвш.
Наалддаг хүнс: Туранхай биетэй байхад тусалдаг хатаасан жимс нь шүдэнд наалддаг бөгөөд энэ нь удаан хугацаагаар байвал пааланг ихээр гэмтээж, буйл үрэвсүүлдэг гэнэ.
Шаржигнадаг бүтээгдэхүүн: Чипсэнд агуулагдах их хэмжээний цардуул нь шүдийг гэмтээж, хорхойтуулах аюултай.