Бүсгүй хүний чимэг яах аргагүй гутал. Урагдаж муудсан, тоосонд дарагдсан гутал таныг хэзээд бусдын хойно алхуулна. Энэ хавар, зуны гутлын загвар дахин давтагдаж, намхан ултай, түрий нь ялимгүй өргөн хэвээр байна хэмээн загварын агентлагууд тодорхойлжээ.
Өсвөр насны охидод хурц, тод өнгийн гутал цоглог харагдуулаад зогсохгүй бусдаас ялгарахад нь туслана. Тэр дундаа богино түрийтэй, шигтгэсэн чимэглэлтэй байвал илүү тансаг. Харин 20-оос дээш насны бүсгүйчүүдийн нийтлэг загвар бүдүүн өсгийтэй, хоншоор нь бага зэрэг бөөрөнхий гутал моодонд орно. Хэрэв та өөрийгөө махлаг гэж боддог бол бүдүүн өсгийт тийм ч тохиромжой бус гэдгийг сануулъя.