Өнөө үед хүмүүс гэрээ амьдралынхаа хэв маягт таарсан, илүү тохилог байлгахыг хүсдэг болжээ. Үүнийг дагаад интерьер дизайн гаргадаг компани олширсон. Интерьер дизайн гаргахад эхлээд план төлөвлөлт буюу өрөө болгоны зохион байгуулалтыг гаргаж баталдаг. Дараа нь, 3D дизайн гаргаж, захиалагчийн хүсч байгаа орчинд орсон мэтээр мэдрүүлэхийн тулд 3D модель хийнэ. Талбайн хэмжээ, өрөөний тооноос хамааран хэр хугацаа орох нь шийдэгдэнэ. Ажил 70-80 хувьтай болсны дараа захиалагч загвараа солиулахыг хүсэх тохиолдол ч бий. Загварыг солиход ажлаа эхнээс нь эхлэх учраас цаг хугацаа их зарцуулдаг. Гэрийнхээ дотоод орчныг өөрчлөхөөр зэхэж байгаа хүмүүст зориулан эдгээр өрөөний тохижилт болон интерьер дизайнаас санаа авахуйц бүтээлүүд хүргэж байна.