Хаврын улирал ирж буй энэ үед хавсарга салхитай, шороон шуургатай, хуурайшилт ихтэй байдаг. Тиймээс арьс, тэр тусмаа нүүрэндээ илүүтэйгээр анхаарал тавих  шаардлагатай. Юуны өмнө арьс хуурайшиж эхэллээ л бол элдэв тос түрхэж огт болохгүй. Арьс хуурайших нь ус, чийг дутагдсанаас үүдэлтэй тул зөв угааж, арчлахаас эхлэх хэрэгтэй. Мөн:

Өглөө-Идэвхтэй чийгшүүлэгч агуулсан өдрийн тосыг нүүрний арьс, зовхи, хүзүүндээ түрхээрэй.

Өдөр- Салхитай халуун өдөр нүүрний арьсаа косметик мини-спрейгээр чийгшүүлж байх нь чухал. Мөн өдрийн туршид арьсыг тусгай лосьон, сальфетканы тусламжтайгаар цэвэрлэх нь арьсанд гадны элдэв нян бактери, тоос наалдахаас сэргийлнэ.

Орой- Ачаалал ихтэй өдрийн дараа арьсаа амраахын тулд унтахынхаа өмнө тайвшруулах болон чийгшүүлэх үйлчилгээтэй сүүн шингэнээр нүүрээ арчлаарай.