Валентины өдрийн бэлгэ тэмдэг нь зүрхэн хэлбэртэй амттан. Хосууд энэ өдөр шоколад солилцдог уламжлалтай. Харин хайртдаа өгөх бэлгээ өөрийн гараар хийх нь хамгийн чухал ажээ. Тиймээс шоколад хйалуулах хамгийн хялбар аргыг санал болгож байна.

1. Юуны өмнө танд хайлуулах шоколад хэрэгтэй. Гэхдээ хар шоколад байвал илүү тохиромжтой.
2. Шоколадыг жижиглэн үйрүүлнэ.
3. Ёроолтой төмөр саванд шоколад болон цөцгийг хийгээд дунд зэргийн гал дээр халаана. Хаалах явцдаа байнга хутгаарай. Хүсвэл чихэрлэг амтыг нэмэгдүүлэх үүднээс 1-2 цайны халбага ванилийн охь хийж хутгаарай.
4. Шоколадны үйрмэгүүд аяндаа хайлж шингэх үед галыг зөөлрүүлж жигд  хэмээр зөөлөн хутгасаар байх болно. Хэрвээ галыг ихдүүлж буцалгах юм бол таны ажил бүтэлгүйтлээ л гэсэн үг. Ингээд аяндаа таны шоколад жигд  бор өнгөтэй, өтгөвөрт болонгуут авч, 5-7 минут хөргөөрэй.
5. Ингээд шоколадыг бүр мөсөн царцахаас нь өмнө зүрхэн хэлбэртэй  хайрцаг, хэв, наборны хайрцаг ашиглан  шоколадаа хийж хөрөгчинд тавиад царцаана.
6. Зориулалтын хэв ашиглаж нэг том зүрхэн шоколад эсвэл олон жижиг шоколад хийж болно.
7. Шоколад царцаж, биежсэний дараа хайрцагнаас болгоомжтой гаргаж кремээр хүссэнээрээ чимэглэнэ.