Өглөөний цайгаа байнга уудаг хүний эрүүл мэнд төдийгүй ажлын амжилт сайн байдаг. Тиймд та бүхэндээ зориулан өглөөний цайндаа хийж идэж болох хялбархан бас эрүүл жорыг хүргэж байна.

1.  
   

   Алимыг угааж цэвэрлээд жижиг дөрвөлжин хэрчинэ. Алимны голыг хаяарай.

2.  
   

   Хайруулын тавганд 1 цайны халбага тос хийж халаагаад жижиглэн хэрчсэн улаан чинжүү, хэрчсэн зайдасаа хийж 4-5 минут хуурна.

3.  
   

   Ингээд дээрх зайдас чинжүүгээ тавагнаас түр гаргаад оронд нь алимаа хуурна. Алим гадна талаасаа бор шаргал болтол нь хуурна.

4.  
   

   Зайдас, чинжүү, алимыг нийлүүлээд 1-2 минут хутгаж хуурна. Мөн чинжүүний оронд улаан лооль хэрэглэж болно. Аль аль нь амин дэм ихтэй бөгөөд гэдэс хий дүүрч тавгүйтэх байдлыг арилгаж хоол боловсруулах үйл ажиллагааг сайжруулна.

5.  
   

   Ингээд хайруулын тавагны дотор зай гаргаж 1 ширхэг өндгийг хагалаад шууд хийж болно эсвэл өндгийг хагалаад аяганд хийж шар, цагааныг нь хольж миксэрдээд хийж дунд зэргийн гал дээр шарна. Давс, перцээр амтлаарай.

6.  
   

   Өндгөө хэрхэн шарах нь таны таалал. Уг жорон дээр өндгийг бага зэрэг шараад хутгаараар хусч үйрүүлсэн байгаа.

7.  
   

   Ингээд сырээр амтлаад талх, бин зэргээр хачирлаад сайхан хооллоорой.

8.  
   

   Танд шинэ өглөөний амжилт, эрч хүчийг авчрах болно.