Генийг нь өөрчилсөн хүнсний бүтээгдэхүүний тухай яриа хэлэлцүүлэг хэдэн жилийн туршид үргэлжилж байна. Орос болон Европт зарим эрдэмтэд Генийн өөрчлөлттэй хүнсний бүтээгдэхүүн хэрэглэх нь хүмүүсийг үргүйдүүлдэг, хорт хавдар өвчтэй болгодог гэж үзсээр байна. Сайтар бодох юм бол бид ийм аюултай хүнсний нэмэлт бүтээгдэхүүнийг ямар нэг байдлаар авч идсээр байгаа бололтой. Ялангуяа шар буурцгийг бид их хэрэглэж байна. Орчин үед шар буурцагны гурилыг тун олон хүнсний бүтээгдэхүүн хийхэд ашигладаг. Хагас бэлэн боловсруулсан бүтээгдэхүүн, банш, зайдас, талх, жигнэмэг гээд маш олон бүтээгдэхүүнд өргөнөөр хэрэглэдэг юм.