Манайхан баншинд дуртай. Тэр тусмаа шарсан банш байвал ямар байна? Дорнын уламжлал жороор шарсан баншийг хэрхэн хийдэг аргыг хүргэж байна.

1.  
   

   Шарсан баншыг хонь, тахиа, загас, гахайн өөхгүй махнаас сонгож хийхэд тохиромжтой болдог. Махаа махны машинаар татаарай. Мах амтлагчаар цагаан гаа, ногоон сонгино, сармис, далайн байцааг жижиглэн хэрчинэ.

2.  
   

   Ингээд татсан мах, хэрчсэн ногоонуудыг хольж хийгээд давс, перцээр амтлаарай. Хүсвэл халуун чинжүү эсвэл улаан чинжүүгээр амтлаж болно шүү.

3.  
   

   Гараар сайтар базаж холиорой.

4.  
   

   Ингээд зуурсан гурилаа жигд нимгэн элдээд амталсан махаа тохируулан хийнэ.

5.  
   

   Ингээд чимхэж эхлэнэ. Та өөрийнхөө чаддаг чимхэлтээр л хийхэд хангалттай.

6.  
   

   Эсвэл гурилны захыг хумхих маягаар чимхээрэй.

7.  
   

   .

8.  
   

   Ингээд хайруулын тавгандаа тосоо хийж халаагаад баншийг эгнүүлэн өрж хийгээрэй.

9.  
   

   Шарж эхлэх бөгөөд үе үе савхаар эргүүл тойруулаарай. Баншны гурил гадна талаараа бор шаргал болж эхлэмэгц галыг багасгана.

10.  
    

    Ингээд битүү таглаж маш зөөлөн гал дээр 5-10 минут ууранд нь жигнээрэй.

11.  
    

    Ингэж шарахад банш нэг талаасаа эсвэл хоёр талаасаа шарагддаг ч сайхан амттай болдог.

12.  
    

    Банш шарах өөр нэг арга бол нэлээн их тосыг сайтар халаагаад баншийг хийж шарах юм. Яг л монгол аргаар боорцог хайрдаг шиг гэсэн үг. Ингэж шарахад банш жигд шаргал өнгөтэй болох ба богино хугацаанд шарагддаг.

13.  
    

    Банш маань бэлэн боллоо. Цаасан дээр тавьж тосыг нь шүүж авахаа мартуузай.

14.  
    

    Ингээд шарсан баншаа томатны сүмс эсвэл...

15.  
    

    ... эсвэл жан, цуугаар амтлаж амтархан зооглоорой.