Хүнсний ногоонууд дотроос амин дэм, тэжээл хамгийн их ногоо бол байцаа юм. Байцааны ороомог нь амттай төдийгүй шингэц сайтай эрүүл хоол учраас зууш болгон хэрэглэхэд тохиромжтой.

1.  
   

   Шарах шүүгээг 230С хэмд халаана. Цагаан будааг давслаж амтлаад агшаагаарай.

2.  
   

   Бүтэн байцааг таллан буцалсан халуун усанд хийж 7-9 минут чанана. Хэрвээ жижиг байцаа бол таллах хэрэггүй. Бүтнээр нь чанаарай. Байцаа зөөлөрч эхлэх бөгөөд усыг сайтар шүүж гаргаарай.

3.  
   

   Одоо сүмсийг бэлтгэе. 2 хоолны халбага оливын тосыг сайтар халаагаад жижиглэн хэрчсэн сонгино, сармисны талыг хийж, давс, перцээр тохируулан амтлаад 4-6 минут зөөлөртөл нь хутгаж холиорой. Ингээд галыг багасгаж зөөлөн гал дээр жижиглэн хэрчсэн улаан лооль, паприка, бага зэргийн элсэн чихэр, алимны цуу хийгээд 5-7 минут сайтар хутгаж болгоорой.

4.  
   

   Өөр хайруулын тавганд 2 хоолны халбага оливын тосыг халаагаад үлдсэн сонгино, сармисыг хийгээд 4-6 минут хуурсны дараа татсан махыг хийж 5-7 минут хуурах ба мах бор өнгөтэй болно. Ингээд агшаасан будаанаас тохируулан хийнэ мөн орегано, давс, перцийг тохируулан амтлаад 1/2 цайны аяга ус хийгээд 2-3 минут буцалгана.

5.  
   

   Ингээд л байцааны хальсийг нэг нэгээр нь салгаж аваад амталсан махыг хоолны халбага ашиглан байцаанд хийж ороогоорой. Хайруулын тавагт сүмснээс жигд тарааж хийгээд үүндээ ороомгоо хийгээд шарах шүүгээнд хийж 10-15 минут шарна.

6.  
   

   Шарах шүүгээнээс гаргаад дор хаяж 5 минут амрааж хөргөөрэй. Амтат хачир, салаттай хольж идээрэй.