Хятад хоолноос манай монголд хамгийн түгээмэд дэлгэрээд байгаа хоол бол Наашаа цаашаа билээ. Ингээд уг хоолыг хийх жорыг хүргэж байна.

1.  
   

   Өөх багатай гахайн махыг урт нарийн хэрчинэ. Хэрчсэн гахайн махаа давс болон эрдэнэ шишийн цардуул, бага зэргийн дарсаар амтлаад түр хойш нь тавиарай.

2.  
   

   Чинжүү, чили, шанцай, майлз, хар мөөг, цагаан гаа, ногоон сонгино, сармис, шар сонгиныг аль болох урт нарийн хэрчиж бэлтгэнэ.

3.  
   

   Ингээд хоолныхоо сүмсийг хийхийн тулд 2 хоолны халбага soy сүмс, эрдэнэ шишийн цардуул, элсэн чихэр, давс, 2 хоолны халбага цуу, 1 хоолны халбага гүнжидийн тосыг нэгтгэн нэг аяганд хийж сайтар холино. Бор өнгөтэй болно.

4.  
   

   Хайруулын тавганд ургамлын тосыг халаагаад өмнө хэрчиж амталсан гахайн махаа хийж 2 минут орчим хуурна.

5.  
   

   Мөн өөр хайруулын тавганд хэрчсэн цагаан гаа, ногоон сонгино, сармис, чилиг хийж 1 минут хуурна. Үүний дараа үлдсэн бүх ногоог хийж хуурна.

6.  
   

   Ингээд гахайн махаа нэмж хийгээд үргэлжлүүлэн хуурна. Мах, ногоо болоод ирэхээр сүмсээ хийж үргэлжлүүлэн хуураарай. Хуурахдаа томхон модон хутгуураар нааш цааш нь эргүүлж тойруулж зогсолтгүй хуураарай.

7.  
   

   Ингээд л амтат наашаа цаашаа бэлэн боллоо. Сайхан хооллоорой.