Хүрэн манжин нь маш олон төрлийн амин дэм агуулдаг учраас хүний эрүүл мэндэд нэн тустай хүнсний ногоо юм. Ялангуяа цусны эргэлт сайжруулах, даралт тогтворжуулах ид шидтэй.

1.  
   

   Салатанд орох бүтээгдэхүүнүүдийг цэвэр хүйтэн усанд угаана. Манжинг хальслана.

2.  
   

   Салатыг идэхэд хялбар амттай болгохын тулд танд ногоо үрэгч хэрэгтэй.

3.  
   

   Ингээд алитыг ногоо үрэгчинд үрнэ.

4.  
   

   Лууванг мөн адил үрж жижиглэнэ.

5.  
   

   Түүхий хүрэн манжинг мөн үрж жижиглээд алим, луувантай хольж хийнэ.

6.  
   

   Ингээд сайтар хутгаад л шууд идэхэд бэлэн боллоо. Ямар ч амтлагч, давс хэрэггүй шүү. Уг салатыг дангаар нь идэхэд таны цусны эргэлт сайжирч, зүрх судасны өвчнөөс сэргийлж, даралтыг тогтворжуулна.

7.  
   

   Харин одоо хүрэн манжинг хэрхэн амтлаж салат хийх аргыг хүргэе. Хүрэн манжинг угаагаад хальслахгүйгээр гаднаас нь сайтар тослож, давс цацаад шарах шүүгээнд 220С хэмд 40 минут шарна.

8.  
   

   Үүний дараа шарах шүүгээнээс гаргаж 15 минут хөргөсний дараа хальсыг гараараа хуулж аваарай. Сайтар шарагдсан тул хальс хүрэх төдийд л өөрөө ховхроод унана.

9.  
   

   Салатанд хийх хэмжээгээрээ хэрчинэ.

10.  
    

    Салатыг амтлахын тулд энгийн нэг майноз хэрэглэхийн оронд 1 хоолны халбага зөгийн бал, 2 цайны халбага гич, 1 цайны халбага нимбэгний шүүс, 2 цайны халбага уксус, 1 цайны халбага гоньд хийгээд сайтар холино. Үүний дараа 1/2 цайны аяга оливын тос, давс, перцийг өөрөө тохируулан амтлаж хийгээд сайтар холиорой.

11.  
    

    Ингээд амтлагч дрессийг салат навч эсвэл байцаатай холино.

12. 12
    

    Хүрэн манжин, сырыг хийж холиод таны амтат салат бэлэн боллоо.