АНУ-ын эрдэмтдийн багийнхан, хүний оюун ухааны үйл ажиллагаа болон хөгшин хүний ой тогтоолтыг судалж байх явцдаа, какао нь хүний ой тогтоолтод маш сайн нөлөөтэй болохыг олж тогтоожээ. Тэд судалгааныхаа үр дүнд какаог байнга хэрэглэх нь хүүхэд төдийгүй нас дээр гарсан хөгшин хүмүүсийн ой тогтоолт болон тархины үйл ажиллагаанд маш ач тустай гэсэн дүгнэлтэд хүрчээ.

Эрдэмтдийн баг өөрсдийн гаргасан таамаглалыг батлахын тулд 50-70 насны 35 хүнийг 2 бүлэгт хувааж туршилт хийжээ. Ийнхүү эхний бүлгийн хүмүүст өдөрт ойролцоогоор 9000 мг какаог уулгаж байсан бол хоёрдугаар бүлгийнхэнд какао огт өгөөгүй байна. Ингээд туршилт дуусахад какао ууж байсан нэгдүгээр бүлгийн хүмүүсийн ой тогтоолт болон тархины үйл ажиллагаа эрс сайжирснаар барахгүй хамгийн сонирхолтой нь туршилтын дараагаар 60 настай хүний ой тогтоолт 35 настай хүнийх шиг болж сайжирсан байжээ.