Та бол чамин тансаг байдлыг эрхэмлэдэг нэгэн. Хувцас худалдаж авахдаа хүртэл загвар хийц, чанар чансааг нь гойд анхаардаг. Түүнчлэн эргэн тойрноо харц булаам, сонгодог байлгахыг эрмэлздэг учраас Парис хотыг танд хамгийн тохирох газраар нэрлэж болох юм. Оргилуун дарс шиг сэтгэл хөдлөл ихтэй хэрнээ зарим үед бусдаас өөрийгөө тусгаарлан ганцаараа байхыг илүүд үздэг.

Та бол удирдагч. Энэ шинж чанар тань бүр бага наснаас л төлөвшсөн бөгөөд аливааг үргэлж өөрийнхөөрөө, бусдаас өөрөөр хардаг. Хувцаслалтын хэв маяг тань нэлээд уран бүтээлч өнгө аястай. Сэтгэл зүйн хувьд өвөрмөц бөгөөд хүчирхэг хүн учраас амьдралаа бусдаас хараат бусаар, өөрийн шийдвэрээр залж чиглүүлэхийг хүсдэг.

Тун зөөлөн амттай, хоолны даруулга болгон хэрэглэхэд хамгийн тохиромжтой энэ дарсанд дурлагсад тун нухацтай хүмүүс байдаг. Та бол хэн нэгний санал болгосон зүйлийг шууд туршиж үзэх, эсвэл адал явдлын аялалд эргэлт буцалтгүй мордох хүн биш юм. Ийм төрлийн хүмүүс ном зохиол унших дуртайгаас гадна аливааг олон талаас нь бодож шийдвэр гаргадаг учраас “ухаалаг” гэсэн тодорхойлолтонд нийцэх ажээ.

Та их бие даасан ба нийтэч хүн юм. Таны хувьд хамгийн чухал зүйл бол гэр бүл, найз нөхөд, хамт олонтойгоо эвсэг найрсаг байх явдал. Ганцаардлыг тэсвэрлэж чаддаггүй бөгөөд амралт чөлөөт цагаа хайртай дотны хүмүүстээ л харамгүй зориулахыг хүсдэг. Ийм ч учраас та бусдын хайр хүндэтгэлийг хүлээсэн нэгэн байж чаддаг.

Таныг нэг талаар их тайван дөлгөөн, нөгөө талаар бага зэрэг уйтгартай хүн гэж тодорхойлоход болно. Та дасаж дадсан зүйлээсээ холдох дургүй бөгөөд, нэгэн хэвийн амьдралын хэвшлээ өөрчлөхийг хүсдэггүй. Идэр залуу насандаа ч, насны нар хэвийсэн ч амьдрал тань ерөнхийдөө тогтвортой хэмнэлээр өрнөх хандлагатай ажээ.

“Хундаган доторх дур хүсэл” хэмээн нэрлэгддэг энэ дарсны хорхойтон бол туйлын дур булаам хүн байдаг. Таны хайр дурлалын харилцаа адал явдлаар дүүрэн, гал халуунаар оргилж байдаг. Амьдралын бүхий л сайн сайхныг амталж мэдрэхийг хүсдэг гал цогтой хүмүүс энэ ангилалд багтах аж.

MERLOT
Та хорвоо ертөнц дээр хэтэрхий эрх дураараа байхаар заяагджээ. Өөрөөр хэлбэл та ямар нэг хэв загвар, дүрэм журамд баригдах дургүй бөгөөд эрх чөлөөг маш их эрхэмлэдэг. Таны хувьд биедээ эвтэйхэн хувцаслаж, хүссэн бүхнээ хийж, таалагдсан хүмүүстэйгээ л цагийг өнгөрүүлэх нь таалагддаг. Мөн худал хуурмаг, шударга бус зүйлсийг үзэн яддаг.