Дахин санхүүгийн хямрал болсон тохиолдолд АНУ-д үйл ажиллагаа явуулж буй зээлдэгч нар бэлэн байгаа эсэхийг шалгах стресс тестэд Европын “Santender” болон “Deutsche Bank” нар бүдэрсэн байна. Үүнээс гадна “Bank of America”-гийн үйл ажиллагаанд зарим нэг сул тал илэрсэн тул санхүүгийн төлөвлөгөөг нь дахин нягтлахаар болжээ. Бусад 28 банк шалгалтыг амжилттай давсан байна. Энэ шалгалтад 50 тэрбум ам.доллараас дээш өөрийн хөрөнгөтэй бүх банкыг хамруулжээ.