Их Британийн өнгөрсөн оны гадаад худалдааны алдагдал рекорд түвшин хүртэл өссөн гэж "Market Watch" сэтгүүл мэдээлжээ. Үндэсний статистикийн хорооны мэдээллээр өнгөрсөн онд энэ улсын гадаад худалдааны алдагдал 6.5 хувиар буюу 119.9 тэрбум фунт стерлинг хүртэл өсчээ.

Энэ нь 1998 оноос хойш хүрч байгаагүй муу үзүүлэлт аж.  Британийн  компаниудын хувьд үндсэн зах зээл нь болох евро бүсийн  эдийн засаг  суларсантай холбоотойгоор Их Британийн  гадаад худалдааны хэмжээ өнгөрсөн онд эрс буурчээ.  Ялангуяа үнэ нь унаад байгаа газрын тосны импорт 21 хувиар өссөн байна.