Америк долларын албан ханш өнгөрсөн онд нэлээд өсөлттэй байж, түүхэн дээд үнэд хүрээд байсан билээ. Харин оны эцсээр бага зэрэг буурч 2490 төгрөгтэй тэнцээд байсан. Тэгвэл 2017 оны нэгдүгээр сарын эхний өдрүүдэд ам.долларын ханш төдийлөн хэлбэлзсэнгүй. Өнөөдрийн байдлаар төв банкны зарласан албан ханш 2491 төгрөгтэй тэнцэж байна. Харин “Найман шарга” захын валют арилжааны төвүүдэд нэг ам.долларыг 2496 төгрөгөөр авч, 2498 төгрөгөөр зарж байна.