Ажиллагчдын сарын дундаж цалинг ажил, мэргэжлийн ангиллаар авч үзэхэд, 2015 оны 2 дугаар улирлын байдлаар суурин төхөөрөмж, машин механизмын операторч, угсрагчийн сарын дундаж цалин хамгийн их буюу 1001.5 мян.төг, харин ХАА, ой, загас агнуурын мэргэшсэн ажилтных 457.4 мян.төгрөг буюу хамгийн бага байна хэмээн Үндэсний статистикийн хорооноос мэдээллээ.

Ажиллагчдыг цалин хөлсний бүлгээр авч үзвэл 192.0 мянгантөгрөг хүртэлх цалинтай ажиллагчид нийт ажиллагчдын 5.3 хувийг, 192.0-300.0 мянган төгрөгийн цалинтай нь 10.9 хувийг, 300.0-500.0 мянган төгрөгийн цалинтай нь 17.8 хувийг, 500.0-900.0 мянган төгрөгийн цалинтай нь 35.5 хувийг, 900.0-1300.0 мянган төгрөгийн цалинтай нь 17.3 хувийг, 300.0-1500.0 мянган төгрөгийн цалинтай нь 4.2 хувийг эзэлж, харин 1500.0 мянган төгрөгөөс дээш цалинтай ажиллагчид нийт ажиллагчдын 9.0 хувийг эзэлж байна.