Та бүхэн агуу их өөрчлөлт, шинэчлэлтийн үед амьдарч байна. Түүнчлэн мэдээллийн эрин үе бидэнд маш олон үр өгөөжийг авчирч байдаг боловч үүний хажуугаар зарим муу үр дагавартай сөрөг өөрчлөлтүүд гарсаар байна. Тухайлбал, терроризм, байгалийн гамшиг, хямрал гэх мэт. Та бүхний анхаарлыг хамгийн ихээр татдаг эдийн засаг дэлхий ертөнцийг асар хурдтайгаар өөрчилж байгаа хүчин зүйлсийн нэг болоод байгаа ба энэхүү мэдээ танд эдийн засгийн багахан мэдлэгийг ойлгуулахад туслах болно. 

• Эдийн засгийн шинжлэх ухаан- Хувь хүн, бизнес эрхлэгч, засгийн газар, нийгмийн хийх сонголт болон уг сонголтонд нөлөөлж болох хөшүүрэг хүчин зүйлсийг судалдаг нийгмийн шинжлэх ухаан 
• Микро эдийн засаг- Хувь хүн, бизнес эрхлэгчийн хийж байгаа, сонголт , уг сонголтуудын зах зээл дээрх харилцан үйлчлэл, түүнд нөлөөлөх засгийн газрын нөлөөллийг судалдаг
• Макро эдийн засаг- Дэлхийн болон үндэсний эдийн засгийн гүйцэтгэлийг судалдаг
• Бүтээгдэхүүн гэдэг- Хүний хэрэгцээг хангахын тулд үйлдвэрлэгдсэн, үнэ цэнэтэй зүйлс 
• Үйлдвэрлэлийн хүчин зүйлс- Бүтээмжит нөөцүүд (газар, хөдөлмөр, капитал, үйлдвэрлэл эрхлэх ур чадвар)