ӨнөөдөрТАНИЛЦ: Тэрбумаар үнэлэгдэх хөрөнгөтэй Монголбанкны захирал нарын ХОМ
Монгол Улсын нийгэм, эдийн засгийн бодлогыг бид олон шүүмжилсээр ирсэн. Иргэдийнх нь аж амьдрал доройтоод байхад мөнгөний бодлого зохицуулдаг Монголбанктай холбогдсон хүмүүс нь өнгө орж, дээшээ залардаг тогтолцоо манайд нэгэнт тогтжээ. Манай мэдээллийн редакц өмнө нь “Монголбанкны улстөрчидтэй холбогдсон “БУЛХАЙ“ мэдээллээрээ улс төрчдийн эхнэр, хүүхдүүд Монголбанкинд хэрхэн шургалсан цуврал нийтлэлээ хүргэж байсан.
Тэгвэл энэ удаа бид Монголбанкны захирал, захирлуудын зөвлөлийнхөн хэдэн төгрөгийн цалин авдаг, хэдэн төгрөгийн орлоготой байгаа талаар мэдээллийг нэгтгэн хүргэж байна.
Монголбанкны Дэд Ерөнхийлөгч Г.Энхтайван ₮1 тэрбумын 2 ОРОН СУУЦТАЙ, сар нь ₮12 саяын орлоготой
Монголбанкны дэд Ерөнхийлөгч Г.Энхтайван нь 2020 оноос тус банканд ажиллаж эхэлсэн.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 151 сая төгрөг гэсэн бөгөөд сарын орлого нь 12 сая төгрөг байна.
Тэрбээр мэдүүлэгтээ:
- Өөрийн орлого: ₮151 сая
- Гэр бүлийн орлого: ₮41сая
- Орон сууц барилга байгууламж: ₮1 тэрбум / орон сууц -2 /
- Тээврийн хэрэгсэл: ₮100 сая /Жийп болон туулах чадвар өндөр Volkswagen, Touareg, Volkswagen, Passat маркийн 2 автомашинтай /
- Мал аж ахуй: ₮57 сая /Адуу-56, Хурдан удмын адуу-5 /
- Газар: ₮60 сая /Эзэмших-007га-2, Эзэмших-10280м2-1 нийт 3 газартай /
- Үнэт эдлэл, урлаг, түүхийн үнэт зүйл: ₮21 сая
- Хадгаламж: ₮79 сая
- Бэлэн мөнгө: ₮0 сая
- Авлага: ₮0 сая
- Зээл: ₮5,9 сая гэж мэдүүлжээ.
Монголбанкны Тамгын газрын захирал Г.Пүрэвсүрэн ₮346 сая хадгаламж, сар нь ₮10 саяын орлоготой
Дотоодын цэргийн штабын дарга асан генерал С.Ганбатын хүү Монголбанкны Тамгын газрын захирал Г.Пүрэвсүрэн нь 2021 оноос тус банканд ажиллаж эхэлсэн.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 122 сая төгрөг гэсэн бөгөөд сарын орлого нь 10 сая төгрөг байна.
Тэрбээр мэдүүлэгтээ:
- Өөрийн орлого: ₮122 сая
- Гэр бүлийн орлого: ₮119 сая
- Орон сууц барилга байгууламж: ₮637 сая / орон сууц, зуслангийн байшинтай /
- Тээврийн хэрэгсэл: ₮240 сая /Жийп болон туулах чадвар өндөр Toyota, Land Cruiser 200, Land Rover, Range Rover маркийн 2 автомашинтай /
- Мал аж ахуй: ₮0 сая
- Газар: ₮0 сая
- Үнэт эдлэл, урлаг, түүхийн үнэт зүйл: ₮210 сая
- Хадгаламж: ₮346 сая
- Зээл: ₮64 сая гэж мэдүүлжээ.
18 жил Монголбанканд ажилласан Ерөнхий эдийн засагч Д.Ган-Очир ₮857 саяын 3 ОРОН СУУЦ, ₮486 саяын хадгаламжтай
Монголбанкны Ерөнхий эдийн засагч Д.Ган-Очир тус банканд 2016 оноос буюу 18 жил тус банканд ажиллаж байна.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 151 сая төгрөг гэсэн бөгөөд сарын орлого нь 12 сая төгрөг байна.
Тэрбээр мэдүүлэгтээ:
- Өөрийн орлого: ₮151 сая
- Гэр бүлийн орлого: ₮51 сая
- Орон сууц барилга байгууламж: ₮857 сая / орон сууц-3, зуслангийн байшинтай /
- Тээврийн хэрэгсэл: ₮33 сая /Жийп болон туулах чадвар өндөр,Lexus, RX 400/
- Мал аж ахуй: ₮0 сая
- Газар: ₮0 сая
- Үнэт эдлэл, урлаг, түүхийн үнэт зүйл: ₮0 сая
- Хадгаламж: ₮486 сая
- Бэлэн мөнгө: ₮0 сая
- Авлага: ₮0 сая
- Зээл: ₮125 сая гэж мэдүүлжээ.
25 жил Монголбанканд ажилласан Ахлах референт Н.Батсайхан ₮1.2 тэрбумын 5 ОРОН СУУЦТАЙ, ₮515 саяын хадгаламжтай
Монголбанкны Ерөнхийлөгчийн Ажлын албаны Ахлах референт Н.Батсайхан нь 1999 оноос буюу 25 жил тус банканд ажиллаж байна.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 142 сая төгрөг гэсэн бөгөөд сарын орлого нь 12 сая төгрөг байна.
Тэрбээр мэдүүлэгтээ:
- Өөрийн орлого: ₮142 сая
- Гэр бүлийн орлого: ₮107 сая
- Орон сууц барилга байгууламж: ₮1.2 тэрбум / 5 орон сууцтай /
- Тээврийн хэрэгсэл: ₮1 сая /Суудлын жижиг машин Toyota Ipsum/
- Газар: ₮10 сая / Өмчлөх-500м2-1, Эзэмших-516 метр квадрат-1/
- Үнэт эдлэл, урлаг, түүхийн үнэт зүйл: ₮0 сая
- Хадгаламж: ₮515 сая
- Авлага: ₮0 сая
- Зээл: ₮178 сая гэж мэдүүлжээ.
18 жил Монголбанканд ажилласан Газрын захирал Б.Баярдаваа ₮459 саяын 2 ОРОН СУУЦ, ₮244 саяын 4 АВТОМАШИНТАЙ, ₮93 саяар үнэлэгдэх 3 газартай
Монголбанкны Монголбанкны Мөнгөний бодлогын газрын захирал Б.Баярдаваа нь 2006 оноос буюу 18 жил тус банканд ажиллаж байна.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 141 сая төгрөг гэсэн бөгөөд сарын орлого нь 12 сая төгрөг байна.
Тэрбээр мэдүүлэгтээ:
- Өөрийн орлого: ₮141 сая
- Гэр бүлийн орлого: ₮78 сая
- Орон сууц барилга байгууламж: ₮459 сая / орон сууц-2, 1 зуслангийн байшинтай /
- Тээврийн хэрэгсэл: ₮244 сая /Жийп болон туулах чадвар өндөр,Toyota, Highlander, Toyota, Land Cruiser 200, Audi Q7 , Mercedes Benz.GLE 400 маркийн 4 машинтай /
- Мал аж ахуй: ₮12 саяын 6 адуутай
- Газар: ₮93 сая / Эзэмших-400м2-1, Эзэмших-700м2-2, Өмчлөх-400м2-1/
- Үнэт эдлэл, урлаг, түүхийн үнэт зүйл: ₮55 сая
- Хадгаламж: ₮3.5 сая
- Бэлэн мөнгө: ₮0 сая
- Авлага: ₮0 сая
- Зээл: ₮255 сая гэж мэдүүлжээ.
20 жил Монголбанканд ажилласан Газрын захирал А.Энхжин ₮1.5 тэрбумын 2 ОРОН СУУЦТАЙ, ₮705 саяын орлоготой, ₮685 саяын авлагатай
Монголбанкны Нөөцийн удирдлага, санхүүгийн зах зээлийн газрын захирал А.Энхжин нь 2004 оноос буюу 20 жил тус банканд ажиллаж байна.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 705 сая төгрөг гэсэн бөгөөд сарын орлого нь 58 сая төгрөг байна.
Тэрбээр мэдүүлэгтээ:
- Өөрийн орлого: ₮705 сая
- Гэр бүлийн орлого: ₮903 сая
- Орон сууц барилга байгууламж: ₮1.5 тэрбум / орон сууц-2 /
- Тээврийн хэрэгсэл: ₮65 сая /Жийп болон туулах чадвар өндөрLexus, RX 350 /
- Мал аж ахуй: ₮0 сая
- Газар: ₮30 сая / Эзэмших-475м2-1, Эзэмших-500м2-1, Эзэмших-550м2-1, Эзэмших-612м2-1/
- Үнэт эдлэл, урлаг, түүхийн үнэт зүйл: ₮28 сая
- Хадгаламж: ₮13 сая
- Бэлэн мөнгө: ₮0 сая
- Авлага: ₮685 сая
- Зээл: ₮963 сая гэж мэдүүлжээ.
13 жил Монголбанканд ажилласан Газрын захирал Э.Анар ₮1.4 тэрбумын 3 ОРОН СУУЦТАЙ, ₮722 саяар үнэлэгдэх 4 автомашин, ₮1,7 тэрбумын авлагатай
УИХ-ын гишүүн М.Энхболдын хүү Монголбанкны Төлбөр тооцооны газрын захирал Э.Анар нь 2011 оноос буюу 13 жил тус банканд ажиллаж байна.
Түүний хувьд 2023 оны АТГ-т мэдүүлсэн мэдүүлэгтээ жилийн орлогоо 131 сая төгрөг гэсэн бөгөөд сарын орлого нь 11 сая төгрөг байна.
Тэрбээр мэдүүлэгтээ:
- Өөрийн орлого: ₮131сая
- Гэр бүлийн орлого: ₮482сая
- Орон сууц барилга байгууламж: ₮1.4 тэрбум / орон сууц-3 /
- Тээврийн хэрэгсэл: ₮722 сая /Жийп болон туулах чадвар өндөр,Toyota Land Criuser 300 ,Hummer H1 , Mercedes BenzG 500 ,Mercedes Benz,G 500 нийт 4 автомашинтай /
- Мал аж ахуй: ₮474 сая /Хонь-370, Үхэр-60, Адуу-140/
- Газар: ₮2,4 сая / Эзэмших-4430м2-1/
- Үнэт эдлэл, урлаг, түүхийн үнэт зүйл: ₮137 сая
- Хадгаламж: ₮486 сая
- Авлага: ₮1,7 тэрбум
- Зээл: ₮324 сая гэж мэдүүлжээ.
