80 хүн, дөрвөн хуулийн этгээдэд холбогдох Хөгжлийн Банкны хэргийн шүүх хурал гурав дахь өдрөө үргэлжилж байна.

Өнөөдрийн шүүх хуралдаанаар эрх мэдэл, албан тушаалын байдлаа урвуулан ашиглах гэмт хэрэгт холбогдсон яллагдагчдын хэргийн материалыг уншиж, танилцуулж байна.

"Эрх мэдэл, албан тушаалын байдлаа урвуулан ашиглах” гэмт хэрэгт холбогдуулан Батлутын Будхүү: 

• "Б.Будхүү нь Хөгжлийн Банкны хууль зүйн хэлтсийн захирлаар ажиллаж байхдаа "Монгол эм импекс концерн" компанид эдийн засгийн давуу байдал бий болгосны улмаас Хөгжлийн Банканд нийт 39,108,923,825 төгрөгийн буюу их хэмжээний хохирол учруулсан гэмт хэрэг үйлдэхэд гүйцэтгэгчээр хамтран оролцсон.
• "Ганхүдэр орд" компанид санхүүжилт олгох нөхцөлийг бүрдүүлж, 3.5 тэрбум төгрөгийн зээлийн санхүүжилт тус тус олгож, тус компанид давуу байдал бий болгосон. Хөгжлийн Банканд 5,043,431,600 төгрөг буюу их хэмжээний хохирол учруулсан гэмт хэрэг үйлдэхэд гүйцэтгэгчээр хамтран оролцсон.

Эргэн сануулахад, “Монгол эм импекс концерн” ХХК 7,2 тэрбум төгрөгийн, 5 жилийн хугацаатай, 12,44 хувийн хүүтэй зээлийг Хөгжлийн банкнаас авсан бөгөөд тус төсөл хэрэгжээгүй болохыг шалган тогтоосон байдаг. Хөгжлийн банкнаас авсан 7,2 тэрбумын зарцуулалтыг шалгахад 6,3 тэрбум төгрөг нь зориулалтын бусаар зарцуулагдсан байсан. Үүний 4 тэрбумыг барилгын ажилд зарцуулсан байдаг.