Засгийн газраас иргэн бүрд олгож буй 300 мянган төгрөгийн нэг удаагийн дэмжлэгийг нийт иргэдийн 93.1 хувьд олгосон талаар Сангийн яамнаас мэдээлэв. Тодруулбал, энэ сарын 8-13-нд 3 сая 173 мянга 897 иргэнд 952 тэрбум 169 сая төгрөгийг Төрийн сангаас арилжааны банкуудаар дамжуулан олгосон байна. Харин 32,144 иргэний мөнгийг Төрийн санд буцаан шилжүүлжээ. Энэ нь дараах шалтгаантай аж.

• Хүлээн авагчийн данс хаагдсан,
• Хүлээн авагчийн нэрийг латин үсгээр бичсэн,
• Хүлээн авагчийн нэрийг латин болон крилл үсэг хольж бичсэн,
• Хүлээн авагчийн нэрийн өмнө болон хойно сул зай авсан,
• Хүлээн авагчийн нэрэнд @ #/, зэрэг тэмдэгт бичсэн,
• Хүлээн авагчийн дансны дугаар зөрүүтэй буюу өөр хүний данс холбосон байна.

Иймд иргэдийг ebarimt.mn  дэх бүртгэлээ шалгаж, шинэчлэхийг Сангийн яамнаас зөвлөв.